ҚР Қарулы Күштерде тактикалық-саптық сабақтар өтуде

Әскери құрамалар мен бөлімдерде, әскери оқу полигондарында жаңа оқу жылының басталуы шеңберінде әскери қызметшілермен жауынгерлік даярлық бойынша тактикалық-саптық сабақтар өткізіледі.

Ол ҚР ҚК хабардар ету жүйесін тексеру, жауынгерлік әзірлікті жоғарғы деңгейге келтіргенде және бөлімшелердің арналған тапсырмаларды орындау  кезіндегі әскерлерді басқару органдарының үйлесімділігін арттыру мақсатында ұйымдастырылған. Мәселен, байланыс бөлімшелері үшін – барлық байланыс түрлерін жолға қою мен қамтамасыз ету болып табылады.

Тактикалық-саптық сабақтар Қарулы Күштердің барлық жеке құрамын қамтиды және жоғары жауынгерлік әзірлікті қолдаудың маңызды құрамдас бөлігі болып табылады.

Әскерде «Жауынгерлік даярлық аптасы» дабыл сигналымен көтеруден басталады, бұл әскер түрлері мен тектері, бөлімдері мен бөлімшелерінің, өңірлік қолбасшылықтардың нақты жауынгерлік дайындығын, қабілетін тексеруге, қойылған міндетті белгіленген мерзімде орындауға мүмкіндік береді. Барлық деңгейдегі командирлер жеке құрамның дайындығын, сеніп тапсырылған бөлімшелердің іс-қимылдарының нақты алгоритмінің үйлесімділігін және сақталуын бағалай алады.

«Батыс» өңірлік қолбасшылығының әскери бөлімдері жаңа оқу жылына мұқият дайындалды. Жаңа оқу жылында Қорғаныс министрінің, құрлық әскерлерінің Бас қолбасшысының қойған нақты міндеттері бар. Негізгі бағыт – ірі ауқымды оқу-жаттығулар мен халықаралық әскери ойындарға дайындық», – деп атап өтті «Батыс» өңірлік қолбасшылығы әскерлерінің қолбасшысы полковник Нұрлан Алдияров.

Әскери дайындық аптасы аяқталғаннан кейін әскери қызметшілер мамандық бойынша даярлыққа кіріседі.